TOPAKETA

TOPAKETA

NOIZ: Abenduak 27, Asteartea.
NON: Gasteizen, Beti- jai frontoian.
ORDUA: Goizeko 11:00tan.
PARTE HARTZAILEAK: 13-18 urte bitarteko emakumeak.
Adin hontako emakumeak animatzen ditugu, izan ere, adin egokiena iruditzen zaigulako emakumeak euskal pilotaren munduan barneratzeko. Hala ere, zaharragoak diren emakumeek interesa dutela eta parte hartu nahi dutela ikusiko bagenu, argi dago dudarik gabe aukera emango geniekeela.
Parte hartu nahi duen oro apuntatu daiteke. Jokatzen dakitenak eta baita jokatzen ez dakitenak ere. Ongi pasatzeko jolasak izango dira, euskal pilotaren inguruan zertxobait gehiago ikasi eta mundu hortan barneratzekoak.

*Maitane Ruiz de Larramendiren bisita izango dugu eta neskek berarekin jokatzeko aukera izango dute.

Gasteizeko Beti-jai frontoia, Alavesen Mendizorrotza zelaiaren alboan dago kokatuta.
(Polideportivo · Amadeo Garcia de Salazar Plaza, 2)

Jarraian, argiago erakutsiko dizuegu nora joan behar den zehatz mehatz.

Bestalde, beste herri/ hiri batzuetatik etortzeko asmoa izanez gero, honako link honetan erraz aurkituko duzue zuen herri/hiritik beti-jai frontoietara iristeko ibilbidea.

Topaketa, goian jarri dugun moduan, goizeko 11:00tan izango da, baina egun osoa iraungo du emakumeak gurekin (denok batera) bazkaltzeko eta haien artean piska bat ezagutzeko aukera izango dute. Noski, nahi duenak etxera joateko aukera izango du, gero arratsaldeko 2.saioa 17:00etan hasiko baita.

Toki oso egokia da horrelako topaketa bat egiteko. Gasteiz bezalako hiri batean, hotz handia egiten du baina ez kezkatu horregatik! Beti- jai frontoiak estaliak eta temperatura onekoak izateaz gain, aldagelak, dutxak, taberna (bazkalduko dugun tokia)... aurki ditzazkegu.

Plaza kopurua*: 50 emakumeentzat lekua.
*50 eskaera baina askoz gehiago izatekotan 2.topaketa (edo behar direnak eskaeren arabera) bat egingo genuke, kanpoan geratutako emakumeak aukerarik gabe geratu ez daitezen.

Prezioa: prezioa 10 eurokoa izango da. Diru hori, instalazioa alokatzeko eta bazkaria ordaintzeko izango da. Bazkaria, frontoietan aurkitzen den tabernan bertan izango da, merkea baita. Gainera, talde handientzako eskaintza bereziak dituzte.
Materiala, guk eramango dugu, geure etxeetatik ekarria edota klubek utzita (hortaz garrantzitsua da materiala ondo zaintzea).

Materiala honako hau izango da:
-Pala argentinarrak (10)
-Pala motzak (12)
-Gomazko paleta (16)
-Xarea (9)

Material nahikoa egon ezean, txandaka egingo genituzkeen ariketak, beti ere bitartean ez aspertzeko ariketa edo jolasen bat egiten.

Eguneko plana:

Beraz, eguneko jardueren antolaketa hau izango da gutxi gorabehera:

  11:00: Aurkezpena eta emakume guztiei harrera

  11:30: Taldetan banatu eta talde bakoitzean irakasle batekin pala paletako modalitateak ezagutu eta praktikatu

Modalitate guztiekin, ondoren agertzen den bezala, informazioa emango da modalitate horren inguruan. Ondoren, ariketa azalduko zaie eta material nahikoa badago, denek egingo dute aldi berean; bestela, txandaka. Guk, zailtasunekin lagunduko dizuegu, nola jo irakatsi, non kokatu, arauak.. beti ere ariketa dibertigarriekin, denok gustura egon gaitezen.

Lehenengo taldea: gomazko pelota. Lehenik eta behin, gomazko paleta zer den eta arauak azalduko dira, izan ere, baliteke norbaitek ez ezagutzea. Laburbilduz, esango dugu, pala paletako modalitate bat dela, non gomazko pelota bat erabiltzen den. Pilota hau, larruzkoa baina geldoagoa da.


-Bigarren talea: xarea. Aurreko modalitatean bezala, hemen ere xareari buruzko informazioa emango da. Zerbait gehiago jakiteko, esango dugu trinketean 2:2ren aurka jolasten dela, eta erlazio mota jaso-jaurti dela.

-Hirugarren taldea: Pala motza.Informazioa emango da, hala ere zerbait jakiteko, frontoi motzean zein plaza librean jokatzen dela esango dugu.

-Laugarren taldea: Paleta argentinarra. Honi buruzko informaioa baliagarria izango zaizue, agian gutxien entundako modalitatea delako. Hortaz, honi buruz gehiago jakiteko urbildu egin beharko zarete!

14:00: Bazkaldu eta atseden piska bat hartzeko denbora.

   17:00: Maite Ruiz de Larramendiren bisita eta hitzaldia emakumeekin. Bertan, nahi dituzten galderak egiteko aukera izango dute. Bideo interesgarri batzuk ikusteko aukera izango dute.

    18:30: Emakumeak gusturago egon diren modalitateetan banatuko ditugu eta bertan praktikatzen eta hobetzen jardungo dute. Maite modalitate guztietatik pasa eta emakume guztiekin jolasteko aukera izango du.

    20:00: Material bilketa eta agurra.

  

 Animatu eta parte hartu!!

Hemen behean, neskak palara jolasten hasteko bideo bat jartzen diezuegu. Topaketa egunean ahalik eta neska gehien elkartzeko helburuarekin eta denon artean egun ahaztezin bat egiteko esperantzaz.

            Bidean aurrera mugak gaindituz!